Тренинг барои омӯзгорон оид ба воситаҳои ЗС дар таълим

Санаи 5 ноябр бо даъвати САҲА тренинг барои омӯзгорони ихтисосҳои журналистикаи донишгоҳҳои Тоҷикистон гузаронидам. Мо ба муҳокимаи воситаҳои гуногун, бахусус шинохти муҳтавои бо зеҳни сунъӣ сохташуда, инчунин кор бо абзорҳои Google: Gemini, Google Drive ва Gemini Notebook машғул шудем.

Вақти махсусе ба Gemini Notebook бахшида шуд. Он ба омӯзгорон дар фаъолияти академӣ кӯмак мерасонад: дар омодасозӣ ва санҷиши маводҳои таълимӣ. Ман нишон додам, ки чӣ гуна бо кӯмаки он инфографика, презентатсияҳо, карточкаҳои ва квизҳо барои санҷиши донишҳо сохтан ва барномаҳои таълимиро таҳия кардан мумкин аст.

Мо имкониятҳои Gemini-ро ҳамчун ёрдамчии шахсӣ низ баррасӣ кардем. Он кӯмак мекунад, ки маълумотро сохторбандӣ кунем, бо хидматҳои дигари Google пайваст намоем ва ташкил кардани кор бо файлҳо, почта ва тақвимро осонтар намоем. Ман нишон додам, ки чӣ гуна бо кӯмаки Gemini барномаи омӯзишии дилхоҳ мавзӯъро таҳия кардан мумкин аст: он на танҳо барномаро таҳия мекунад, балки видеоҳои марбутро дар YouTube пайдо мекунад, онҳоро ба барнома дохил мекунад ва натиҷаро ҳамчун ҳуҷҷати Google дар Google Drive нигоҳ медорад. Ман инчунин нишон додам, ки Gemini чӣ гуна бо Google Drive кор мекунад ва дар сурати зарурият файлҳои лозимиро пайдо мекунад.

Илова бар ин, мо интегратсияи Gemini бо браузери Chrome-ро баррасӣ кардем: он кӯмак мекунад, ки маълумоти муфидро аз сомонаҳо бо забонҳои гуногун ба даст оварда, маводҳои таълимиро ба забони тоҷикӣ тарҷума кунад. Ман дар YouTube чатро, ки бо Gemini пайваст аст, нишон додам. Он имкон медиҳад, ки хулосаи кӯтоҳи видео зуд ба даст оварда шавад ва фаҳмем, ки гӯяндагон дар бораи чӣ гап мезананд, ки ин вақтро хеле сарфа мекунад. Ин чат инчунин кӯмак мекунад, ки маълумотро аз видео сохторбандӣ кунем ва фавран донишҳои систематикӣ ба даст орем.

Тренинг дар доираи ташаббуси САҲА дар Тоҷикистон барои пешбурди озодии расонаҳо, таҳкими журналистикаи касбӣ ва васеъ кардани дастрасӣ ба маълумот дар Тоҷикистон гузаронида шуд. Дар доираи ин кор, дар давоми як ҳафта аз 02.11.2026, дар Душанбе бо ҳамкории Вазорати маориф ва илм тренинги такмили малакаи омӯзгорони журналистикаи донишгоҳҳои кишвар ташкил карда шуд. Барнома ба таҳкими малакаҳои методӣ, педагогӣ ва касбӣ ва наздик кардани барномаҳои академиро бо амалияи муосири соҳа, аз ҷумла истифодаи педагогӣ ва амалӣ кардани зеҳни сунъӣ дар журналистика равона шудааст.